Улуу Жеңиштин 80 жылдыгы белгиленет

Коргоо министрлигинин борбордук аппаратында Кыргыз Республикасынын Куралдуу Күчтөрүнүн Генералдык штабынын башчысы–  Коргоо министринин биринчи орун басары генерал-майор Руслан Мукамбетовдун жетекчилиги алдында Улуу Ата-Мекендик согуштагы Жеңиштин 80 жылдыгын майрамдоого арналган жыйын болуп өттү.

Жыйындын жүрүшүндө белгилүү датага карата иш-чараларды уюштуруу боюнча алдыдагы пландар талкууланды.

Мындан тышкары,  Кыргыз Республикасынын Куралдуу Күчтөрүнүн параддык эсеби Москва шаарында Кызыл аянтта Улуу Ата-Мекендик согуштагы Жеңиштин 80 жылдыгына арналган аскердик парадга катышуу мүмкүнчүлүгү жөнүндө маселе каралды.