Башкы
>
Жаңылыктар
Ленинград блокадасынын 82 жылдыгына арналган митинг-реквием өткөрдү
2025-жылдын18-январында Кыргыз Республикасынын Коргоо министрлиги "Кыргыз Ленинград блокадачыларынын коому" коомдук бирикмеси менен бирдикте Советтер Союзунун Баатыры генерал – майор Д.Асанов атындагы Жеңиш паркындагы Ленинград блокадачыларынын мемориалдык комплексинин жанында Ленинград блокадасынын 82 жылдыгына жана Улуу Ата-Мекендик согуштун Жеңишинин 80 жылдыгына арналган митинг-реквием өткөрдү.
Митинг-реквием Ленинград блокадачыларынын эстелигине гүл коюу, бир мүнөттүк эскерүү менен башталды.
Иш - чарага Коргоо министринин биринчи орун басары генерал-майор Эрлис Тердикбаев, министрлер кабинеттеринин төрагасынын орун басары Эдил Байсалов, Бишкек гарнизонунун жоокерлери, Аскер институтунун курсанттары, КУАЛдын лицейчилери, окуучулар жана Бишкек шаарынын жашоочулары катышышты.