Лейтенант Мухтарбек Сулаймановдун эстелиги Алай районунун Гүлчө айылында ачылды

2025-жылдын 5-февралында баатырларча курман болгон лейтенант Мухтарбек Сулаймановдун эстелиги өзү туулуп өскөн Алай районунун Гүлчө айылында тургузулду. 

Эстеликтин ачылышына Кыргыз Республикасынын Куралдуу Күчтөрүнүн Түштүк-Батыш оперативдик командачылыгынын колбашчысынын орун басарлары, Мухтарбек Сулаймановдун туугандары, жергиликтүү бийлик өкүлдөрү жана айыл тургундары катышты.

Иш-чарада лейтенант Мухтарбек Сулаймановдун эрдиги жана мекенге болгон чексиз сүйүүсү эскерилди. Ал өз өмүрүн Кыргызстандын эгемендүүлүгү үчүн курман кылып, аскер кызматында жүргөндө эң жогорку эрдикти көрсөткөн.