Кытай элинин жапон баскынчыларына каршы туруу согушундагы Жеңишинин 80 жылдыгына карата Кытайды жапон баскынчыларынан бошотууга катышкан ардагерлерге медалдарды тапшыруу аземи болуп өттү

2025-жылдын 28-августунда Кыргыз Республикасынын Коргоо министрлигинде кытай элинин жапон баскынчыларына каршы туруу согушундагы Жеңишинин 80 жылдыгына карата Кытайды жапон баскынчыларынан бошотууга катышкан ардагерлерге медалдарды тапшыруу аземи болуп өттү. 

Ага Коргоо министрлигинин жана Генералдык штабынын жетекчилиги, ошондой эле Кытай Эл Республикасынын Кыргыз Республикасындагы Элчилигинин өкүлдөрү катышты.

Салтанаттын жүрүшүндө катышуучуларды Кыргыз Республикасынын Куралдуу Күчтөрүнүн Генералдык штабынын башчысынын кызматын убактылуу аткаруучу полковник Кумарбек Калматаев куттуктады.

Ошондой эле, Кытай Эл Республикасынын Кыргыз Республикасындагы Атайын жана Ыйгарым укуктуу элчиси Лю Цзянпин айым дагы куттуктады.

Иш-чарада ардагерлерге жана алардын өкүлдөрүнө эстелик медалдары, сертификаттар тапшырылды. Сыйлыктарды элчи Лю Цзянпин айым өзү тапшырды.

Салтанат эстеликке сүрөткө түшүү менен жыйынтыкталды.