Кыргыз Республикасынын Коргоо министри генерал-майор Руслан Мукамбетов менен Россия Федерациясынын Коргоо министри Андрей Белоусовдун эки тараптуу жолугушуусу болуп өттү

2025-жылдын 27-ноябрында, Кыргыз Республикасынын Коргоо министри генерал-майор Руслан Мукамбетов менен Россия Федерациясынын Коргоо министри Андрей Белоусовдун эки тараптуу жолугушуусу болуп өттү.

Жолугушуу ЖККУга мүчө мамлекеттердин Тышкы иштер министрлер кеңеши, Коргоо министрлер кеңеши жана Коопсуздук кеңештеринин катчыларынын комитетинин жыйынынын алкагында өткөрүлдү.  

Тараптар коргонуу тармагындагы кыргыз-орус кызматташтыгынын учурдагы абалын жана келечектүү багыттарын талкуулап өз ара аракеттенүүнү мындан ары бекемдөөгө даяр экендиктерин билдиришти.

Өзгөчө көңүл аскердик билим берүү, кадрларды даярдоо маселелерине жана кызматташтыктын практикалык багыттарына бурулду.  
Жолугушуунун жыйынтыгында коргоо ведомстволорунун жетекчилери 2026-жылга карата аскердик кызматташтык боюнча Планды бекитишти.