Куралдуу Күчтөрдө жаңы окуу жылы башталды

2023-жылдын 1-декабрында Кыргыз Республикасынын Куралдуу Күчтөрүндө жаңы окуу жылы башталды.

Планга ылайык 2023-жылдын 1-декабрынан 6-декабрына чейин аскерлерде күжүрмөн жана мобилизациялык даярдык боюнча тактикалык-катардык көнүгүүлөр өткөрүлөт. 

Окуу жылынын башталышынын алгачкы күнүндө, 1-декабрда КР  Коргоо Министрлигинде жаңы окуу жылынын башталуусун белгилеген митингдер жана коомдук-мамлекеттик даярдыктан сабактартар болду.

Сабактардын жүрүшүндө аскер кызматчылар учурдагы Борбор-Азия регионундагы аскердик-саясий абал менен таанышты.  Ошондой эле, өздүк курамдын күжүрмөндүүлүгүн арттыруу иштерин дагы каралды.

Өткөрүлгөн иш-чаранын практикалык элементи болуп - башкаруу органдарын жана күчтөрүн жогорку деңгээлдеги күжүрмөн даярдыкка алып келүү боюнча өзүнчө-штабдык машыгуулар саналат.