Бишкек шаарынын Жеңиш аянтында Улуу Ата Мекендик согуштагы жеңишинин 79 жылдыгына арналган митинг-реквием болуп өттү

2024-жылдын 9-май күнү Бишкек шаарынын Жеңиш аянтындагы өчпөс оттун жанында 1941-1945-жылдардагы Улуу Ата Мекендик согуштагы жеңиштин 79 жылдыгына арналган митинг-реквием болуп өттү.

Улуу Жеңишке арналган митинг-реквиемге Кыргыз Республикасынын Жогорку Кеңешинин Төрагасы Н. Шакиев, Кыргыз Республикасынын Мамлекеттик катчысы С. Касманбетов, Кыргыз Республикасынын Коргоо министри генерал-лейтенант Б. Бекболотов, Бишкек мэриясынын жетекчилиги, Улуу Ата Мекендик согуштун ардагерлери жана ооруктун эмгекчилери, Бишкек гарнизонунун жоокерлери, мектеп окуучулары, өсүп келе жаткан муун, коомчулуктун өкүлдөрү жана борбордун коноктору катышты.

Митинг-реквием өчпөс отко гүлчамбар коюу, бир мүнөттүк тыныгуу жана Кыргыз Республикасынын Гимнин аткаруу менен башталды.

Митинг-реквиемдин катышуучуларынын алдында Кыргыз Республикасынын Жогорку Кеңешинин Төрагасы Н. Шакиев жана Кыргыз Республикасынын Мамлекеттик катчысы С. Касманбетов чыгып сүйлөштү.

Митинг-реквием Кыргыз Республикасынын Коргоо министрлигинин Бишкек гарнизонунун жоокерлеринин салтанаттуу өтүүсү менен аяктады.

Борбор калаанын жашоочулары жана коноктору үчүн курал-жарактардын жана аскердик техниканын көргөзмөсү, ошондой эле "Солдат боткосу" уюштурулду.

Андан соң Бишкек шаарынын мэриясынын маданият башкармалыгы тарабынан даярдалган майрамдык концерт болду.