Логотип

Кыргыз Республикасынын Коргоо министрлиги

Башкы
>
Жаңылыктар

Аскер институтунун бүтүрүүчү лейтенанттарынын бүтүрүү салтанаттуу иш-чарасы болуп өттү

22.06.2024
770

2024-жылдын 22-июнунда Жеңиш аянтында Советтер Союзунун Баатыры генерал-лейтенант Калыйнур Үсөнбеков атындагы Кыргыз Республикасынын Куралдуу Күчтөрүнүн Аскер институтунун бүтүрүүчү лейтенанттарынын бүтүрүү салтанаттуу иш-чарасы болуп өттү. 

Иш-чара Жеңиш аянтындагы өчпөс отко гүлчамбар коюу менен башталып, Кыргыз Республикасынын Коргоо министринин бүтүрүүчүлөргө офицердик "лейтенант" наамын ыйгаруу жөнүндө буйругу окулду.

Кыргыз Республикасынын Коргоо министринин биринчи орун басары генерал-майор Эрилис Тердикбаев лейтенанттар Салморбеков Ырыскелди жана  Жылдызбеков Эрланга артыкчылык дипломун тапшырды.

Андан соң генерал-майор Э.Тердикбаев Кыргыз Республикасынын Коргоо министринин атынан КР КК АИ бүтүрүүчүлөрүн жана профессордук-окутуучулук курамын куттуктап, Мекенди коргоонун Ыйык парзында жаңы ийгиликтерди каалады.

Ошондой эле, иш-чарада КР КК ардагерлери, КР КК АИ бүтүрүүчүлөрүнүн ата-энелери сөз сүйлөштү.

Иш-чарада офицердик вальсты аткарылып, анда эки жаш офицер колуктуларына үйлөнүү сунушун киргизишти.

Иш-чара жаш офицерлердин саптык жүрүшү менен аяктады.

Квалификациялуу офицерлердин жаңы тобу Кыргыз Республикасынын Коргоо министрлигинин жана Улуттук коопсуздук комитетинин Чек ара кызматынын аскер бөлүктөрүн жана кошуундарынын катарын толуктайт.