“Ала-Тоо” аянтында Мамлекеттик туу көтөрүлдү

2024-жылдын 31-августунда Кыргыз Республикасынын Көз карандысыздык күнүнө жана Кара-Кыргыз автономиялуу облусунун түзүлгөндүгүнүн 100 жылдыгына карата Бишкектеги “Ала-Тоо” аянтында жаңы Мамлекеттик туу көтөрүлдү.

Туу көтөрүү аземине КР президенти – Куралдуу Күчтөрдүн башкы кол башчысы Садыр Жапаров катышты.

Тууну көтөрүү аземине Бишкек гарнизонунун аскер кызматчылары катышып, КР Коргоо министрлигинин өзүнчө аскердик көрсөтмөлүү оркестринин коштоосунда мамлекеттик гимн жаңырды.