Аскер лицейине талапкерлерди тандоо процесси

Талапкерлерди тандоо процесси

2025-2026- окуу жылына Советтер Союзунун Баатыры генерал-майор Д. Асанов атындагы Кыргыз улуттук аскер лицейине кабыл алуу эрежелери

КУАЛга конкурстук негизде жалпы орто билим берүү уюмдарында (мектеп, гимназия, интернат ж.б.) 9-классты аяктаган жылы, жалпы билим берүү дисциплиналарын жакшы өздөштүргөн жана ата-энелери (мыйзамдуу өкүлдөрү) КР жарандары болгон 15-16 (25-августка чейин) жаштагы уландар кабыл алынат. 

КУАЛга кабыл алууга тандоону уюштурууда, кабыл алуу комиссиясынын ишинин айкындуулугу жана ачыктыгы, талапкерлердин жөндөмдөрүн жана шыктарын объективдүү баалоо камсыздалат.

КУАЛ талапкерлерге КУАЛдын Уставы, кабыл алуу тартиби жана билим берүү процессин уюштурууну регламенттөөчү башка документтер жөнүндө маалымат берет. 

КУАЛга тапшырууну каалаган талапкерлер үчүн жашаган жери боюнча аскер комиссариаты тарабынан талапкердин анын ата-энесинин (мыйзамдуу өкүлдүн) экөөнүн тең макулдугу бар, ушул Устав жана КУАЛга кабыл алуу тартиби менен таанышкандыгын далилдөө менен жазылган кат жүзүндөгү арызынын негизинде  өздүк дело таризделет. 

Талапкердин өздүк делосу төмөнкү документтерди камтышы керек:

         - талапкердин КУАЛдын башчысынын атына жазылган КУАЛда билим алууну каалоосу жөнүндө ата-энесинин (мыйзамдуу өкүлдөрдүн) макулдугу тууралуу колу коюлган жеке арызы;

         - талапкердин туулгандыгы тууралуу күбөлүгүнүн көчүрмөсү;

         - өмүр баян (өз колу менен жазылган – 1 нус., басылган – 1 нус.);

- жакын туугандарынын (атасы, апасы, агалары, эжелери) соттолбогондугу жөнүндө маалымкат. Кыргыз Республикасынын кылмыш-жаза мыйзамдарына ылайык, жакын туугандарына карата соттолгондугу өчүрүлбөгөн же алынбаган, оор же өзгөчө оор кылмыш жасагандыгы үчүн соттолгон; же белгиленген тартипте уюшкан топтордун, террористтик, экстремисттик же сепаратисттик уюмдардын мүчөсү деп табылган талапкерлер КУАЛга кабыл алынбайт.

         - ата-энесинин (мыйзамдуу өкүлдүн) жашаган жеринен маалым кат үй-бүлө мүчөлөрүн көрсөтүү менен; 

         - ата-энесинин (мыйзамдуу өкүлдөрдүн) паспортторунун көчүрмөлөрү;

         - мектептин гербдүү мөөрү басылган жана мектеп директорунун колу коюлган негизги жалпы орто билими жөнүндө күбөлүктүн көчүрмөсү;

         - талапкерге класс жетекчисинин жана мектеп директорунун колу коюлган, гербдүү мөөр басылган педагогикалык мүнөздөмө;

         - 3х4 см өлчөмүндөгү төрт сүрөт (баш кийимсиз);

         - аскер комиссариатында медициналык комиссиядан өткөндүгүнүн жыйынтыгын камтыган, профилактикалык прививкалардын картасы тиркелген медициналык күбөлөндүрүү картасы (№ 63 формасы);

         - Кыргыз Республикасынын ички иштер органдарынын жашы жете электердин иши боюнча инспекциясынан маалым кат.

Жетим балдар жана ата-энесинин кароосуз калган балдар тарабынан мындан тышкары төмөнкүлөр көрсөтүлөт:

         - атасынын жана энесинин өлгөндүгү тууралуу күбөлүктүн күбөлөндүрүлгөн көчүрмөсү;

         - камкордугуна алуу (көзөмөлчүлүккө) жөнүндө соттун же жергиликтүү өз алдынча башкаруу органдын чечиминин күбөлөндүрүлгөн көчүрмөсү;

         - камкорчунун (көзөмөлчүнүн) күбөлүгүнүн күбөлөндүрүлгөн көчүрмөсү;

         - ата-энелик укуктан ажыратуу жөнүндө соттун чечиминин күбөлөндүрүлгөн көчүрмөсү.

         23. Талапкерлердин өздүк делолорун кабыл алуу, кабыл алуу комиссиясынын иши башталганга чейин аяктайт.

КУАЛга кабыл алуу талапкерлерди конкурстук тандоонун жыйынтыгы боюнча жүргүзүлөт.

Талапкерлерди КУАЛга кабыл алууда КУАЛдын башчысы жана ата-энелери (мыйзамдуу өкүлдөрү) ортосунда келишим түзүлөт, анын талаптарын аткаруу мураскерлер жана ата-энелер (мыйзамдуу өкүлдөр) үчүн милдеттүү болуп саналат (№1 тиркеме).

КУАЛга кабыл алуу үчүн талапкерлерди тандоо, алдыдагы окуу жылынын жайкы мезгилинде үч этап менен жүргүзүлөт:

         - 1-этап: тереңдетилген медициналык күбөлөндүрүү;

         - 2-этап: дене тарбия даярдыгын баалоо;

         - 3-этап: 9-класстын базасында жалпы орто билим берүү дисциплиналары боюнча тесттен өткөрүү.

Жыл сайын КУАЛга кабыл алууга тандоону уюштуруу үчүн Кыргыз Республикасынын Коргоо министринин буйругу менен КУАЛдын окутуучуларынан, кызмат адамдарынан жана КР КМ кызмат адамдарынан турган кабыл алуу комиссиясы түзүлөт. Кабыл алуу комиссиясы 1 жана                      2-этаптар боюнча тандоо турун өткөрүп, анын жыйынтыгында талапкерлер тест тапшырууга өтүшөт (3-этап).

Ушул буйрук менен конкурстук тандоонун жыйынтыктары боюнча келе жаткан окуу жылында КУАЛга кабыл алына турган адамдардын саны аныкталат.

Тестирлөө Кыргыз Республикасынын Коргоо министринин уруксаты менен, кайтарымдуу негизде көз карандысыз тестирлөө кызматы (борбору) тарабынан (тестирлөөнү өткөрүү, текшерүү, жыйынтыгын иштеп чыгуу боюнча келишимдин негизинде), же болбосо кайтарымсыз негизде КУАЛдын персоналдык компьютерлеринде локалдык желени колдонуу менен электрондук түрдө (тестирлөөнү өткөрүү жана  жыйынтыктарын текшерүүдө адам фактору колдонулбаган) жүргүзүлөт .

Кыргыз тилинде окутулган мектептерден келген талапкерлер тесстти кыргыз тилинде тапшырышат, орус тилинде окутулган мектептерден келгендер орус тилинде тапшырышат.

Кайтарымдуу негизде тестирлөөнү өткөрүүдө көз карандысыз тестирлөө кызматынын (борборунун) тестти иштеп чыгуусу, өткөрүүсү жана жыйынтыктарын текшерүүсү үчүн төлөм талапкерлердин ата-энелери (мыйзамдуу өкүлдөрү) тарабынан көз карандысыз тестирлөө кызматы белгилеген тартипте төлөнөт. 

КУАЛга адамдарды кабыл алуу конкурстук тизме боюнча тиешелүү региондон каалоочулардын санына жараша региондор боюнча жүргүзүлөт (региондор боюнча тапшыруучулардын саны белгиленген формула боюнча эсептелет: тапшыруучулардын саны тапшыруучулардын жалпы санына бөлүнөт жана кабыл алуу планынын санына көбөйтүлөт).

Медициналык күбөлөндүрүүнүн жыйынтыгы боюнча КУАЛга окууга жарактуу деп табылган талапкерлер, дене тарбия даярдыгы боюнча «канааттандырарлык» деген баадан төмөн эмес баа жана тестирлөөнүн жыйынтыгы боюнча өткөрмө балл алгандар КУАЛга кабыл алуу жөнүндө буйрук чыгаруу үчүн КУАЛдын башчысына көрсөтүлөт.   

Конкурстан тышкары тестирлөөгө катышпастан, маектешүүнүн жыйынтыгы боюнча, медициналык күбөлөндүрүүнүн жана дене тарбия даярдыгы боюнча КУАЛга тапшыруу укугун төмөнкүлөр колдоно алышат:

         - аскердик кызматтын милдеттерин аткарып жатып курман болгон, оорусунун кесепетинен же алган жаракатынан (жаралануудан, жаракаттан, контузиядан) улам каза тапкан аскер кызматчыларынын (укук коргоо органдарынын кызматкерлеринин) балдары (мөөр басылып күбөлөндүрүлгөн архивдик көчүрмө бөлүктү берүү менен);

         - облустук ( Бишкек, Ош) жана республикалык деңгээлдеги предметтик олимпиадалардын жеңүүчүлөрү;

          - Кыргызстандын Баатырларынын, Баатыр энелердин балдары (ырастоочу документтерди берүү менен);

          - жетим балдар, ошондой эле ата-энесинин кароосуз калган балдар (жетим балдардын, ошондой эле ата-энесинин кароосуз калган балдардын статусун тастыктаган соттун же жергиликтүү өз алдынча башкаруу органынын чечиминин күбөлөндүрүлгөн көчүрмөсү).

Жетим балдар жана ата-энесинин кароосуз калган балдар эки ата-энеси тең жок балдар деп эсептелет.

Даттанууларды кароо үчүн Кыргыз Республикасынын Коргоо министринин буйругу менен апелляциялык комиссия түзүлөт. Ал конкурстук тандоонун объективдүүлүгүн жана калыстыгын карайт.

Даттанууларды кароодо апелляциялык комиссия тарабынан талапкердин ишине коюлган баанын тууралыгы гана текшерилет. Даттануулар кайра тапшыруу болуп эсептелбейт. Апелляциялык комиссиянын ишинин жыйынтыктары акыркы чечим болуп саналат жана кайра карап чыгууга жатпайт. Дене тарбия даярдыгы боюнча ченемдерди кайра тапшырууга жана кайра тесттен өтүүгө жол берилбейт. 

КУАЛга тандалып алынган талапкерлерди кабыл алуу жөнүндө буйрук жарыялангандан кийин аларга КУАЛдын мураскерлери үчүн белгиленген укук жана милдеттер жайылтылат.

КУАЛга кабыл алынган талапкерлер биринчи класстан тогузунчу класска чейинки окуусун тастыктаган документтер менен келишет (жетишүү табели).

Туура эмес жана толук эмес толтурулган өздүк делолор кабыл алуу комиссиясы тарабынан каралбайт.